മലയാളം മിഷൻ നടത്തുന്ന സീനിയർ ഹയർ ഡിപ്ലോമ കോഴ്‌സ് ആണ് നീലക്കുറിഞ്ഞി. ഹയർ ഡിപ്ലോമ കോഴ്‌സ് വിജയകരമായി പൂര്‍ത്തീകരിക്കുന്നവര്‍ക്ക് ഈ കോഴ്‌സിലേക്കു പ്രവേശനം നേടാം. ആഴ്ചയിൽ 2-3 മണിക്കൂറാണ് ക്ലാസുകൾ ഉണ്ടാകുക. 3 വർഷം ആണ് ഈ കോഴ്‌സിന്റെ കാലാവധി.

പാഠ്യപദ്ധതി പ്രസ്താവനകള്‍

• ഒരു വിഷയത്തിലൂന്നി സംഘങ്ങളില്‍ ചര്‍ച്ചകളിലേര്‍പ്പെടുന്നതിനും പൊതുവായ ധാരണകളിലെത്തിച്ചേരുന്നതിനും
• മറ്റുള്ളവരുമായി ഔപചാരികമായി, സന്ദര്‍ഭാനുസരണമായ ഭാഷയില്‍ സംഭാഷണങ്ങളില്‍ ഏര്‍പ്പെടുന്നതിന്
• സംവാദങ്ങളില്‍ പങ്കെടുത്ത് സ്വന്തം അഭിപ്രായങ്ങള്‍ യുക്തിപൂര്‍വം അവതരിപ്പിക്കുന്നതിന്
• ഒരു സദസ്സിനു മുമ്പാകെ അഭിമുഖങ്ങള്‍, പാനല്‍ ചര്‍ച്ച, സംവാദങ്ങള്‍ എന്നിവയില്‍ ഏര്‍പ്പെടുന്നതിന്
• കവിതകള്‍, പാട്ടുകള്‍, വായ്ത്താരികള്‍ എന്നിവ ഭാവം ഉള്‍ക്കൊണ്ട് ആകര്‍ഷകമായ രീതിയില്‍ പാരായണം ചെയ്യുന്നതിന്
• വിവിധ പ്രവര്‍ത്തനങ്ങളിലൂടെ ലഭ്യമായ വിവരങ്ങള്‍ കുറിപ്പുകളാക്കുന്നതിന്, വിവിധ ആവശ്യങ്ങള്‍ക്കായി കുറിപ്പുകള്‍ തയാറാക്കുന്നതിന്, കുറിപ്പുകള്‍ വായിച്ച് വിപുലപ്പെടുത്തുന്നതിന്